एक मिठी

सुटली मिठी घट्ट तुझी , दूर माझ्या घेऊन गेली

जवळ येऊ कसा मी ,आईस अश्रू देऊन गेली

आलो जेव्हा जवळ मी , ओठ तुझे शिवून तू होती

करुन कान बंद माझे , पण एक मिठी सांगून गेली

मिठीत तू रडत होती , सुकलेले अश्रू पीत होती

पुसू न शकलो अश्रू हे , अन एक मिठी फ़सवून गेली

मिठीत मी आलो तुझ्या ,आणि वार मलाही बोचले

डोळ्यांत तुझ्या पाहुनी , मग एक मिठी रडवून गेली

शिवलेले ओठ माझे , अन घास भरवत होतीस तू

भूक मला खूप मोठी , बोटांस ह्या चाऊन गेली

दूर झालो जेव्हा मी , हे ओठ न्हवते शिवलेले

हे कान न्हवते बंद , सुटली मिठी ; हसवून गेली